Beyonce reagon ndaj thashethemeve për një turne të ri dhe përgatitet për shfaqjen e Krishtlindjeve në Netflix

Beyonce ka mohuar spekulimet për një turne të ri në 2025, pas raportimeve nga ‘Hits Daily Double’ dhe ‘The US Sun’ se ajo po planifikon një seri koncertesh në Mbretërinë e Bashkuar.

Publicistja e saj, Yvette Noel-Schure, deklaroi në platformën X: “E pavërtetë. Nuk ka asgjë për të raportuar këtu”.

Ndërkohë, Beyonce po përgatitet për një performancë të madhe gjatë pjesës së parë të ndeshjes së Krishtlindjeve të NFL midis Houston Texans dhe Baltimore Ravens, që do të transmetohet në Netflix.

Në një video promovuese, ajo shfaqet me një veshje perëndimore elegante, duke rritur pritshmëritë për performancën, e cila prodhohet nga Jesse Collins Entertainment dhe Parkwood Entertainment.

Kjo shfaqje vjen pas suksesit të saj historik me 11 nominime për ‘Grammy’ 2025, duke e bërë artisten më të nominuar në historinë e çmimeve me 99 nominime në total. /telegrafi