Aksident në Doganaj të Kaçanikut, rrokulliset një kamion

Një vetaksident trafiku ka ndodhur sot në fshatin Doganaj të Kaçanikut, konkretisht te vendi i quajtur “Fusha e Pajtimit”.

Lajmin e ka konfirmuar zëdhënësi i Policisë, Kanun Veseli.

“Më datën 25.11.2024, rreth orës 14:20, kemi pranuar një informatë se në rrugën magjistrale Ferizaj – Kaçanik, te vendi i quajtur ‘Fusha e Pajtimit’ në Kaçanik është një aksident komunikacioni rrugor, ku është përfshirë një kamion”, ka thënë Veseli.

Ai ka shtuar se përveç dëmeve të shkaktuara materiale, nuk raportohet për të lënduar.

“Njësia e Hetimeve të Aksidenteve ka dalë në vendin e ngjarjes për të mësuar shkaqet e aksidentit”, tha Veseli.