FAST Kosova arreston turkun e kërkuar ndërkombëtarisht

Policia e Kosovës ka arrestuar sot një person të dyshuar, i cili po kërkohej me urdhër arresti ndërkombëtar nga Turqia.

Policia ka njoftuar se njësia FAST Kosova ka realizuar arrestimin e radhës të një personi të kërkuar, sot rreth orës 11:30, si rezultat i angazhimeve dhe hetimeve paraprake është arritur të lokalizohet dhe arrestohet një i dyshuar shtetas turk, me inicialet S.Y., i lindur1986.

“I njëjti ishte i kërkuar me urdhër arresti ndërkombëtar, të lëshuar nga Turqia me qëllim të vuajtjes së dënimit prej shtatë viteve burgim efektiv, për kryerjen e veprës penale ‘Keqpërdorim i kartelave bankare’”, thuhet në njoftimin e Policisë.

Policia bëri të ditur se me urdhër të prokurorit kujdestar, i arrestuari dërgohet në ndalim policor për 48 orë për të vazhduar me procedurat e tjera të parapara për raste të tilla. /Zëri