Brahim Diaz do të largohet nga Real Madridi, tri top-klube pas marokenit

Brahim Diaz mund të largohet nga Real Madridi, pasi hapësirat e tij këtë edicion janë të limituara.

Mediat e ndryshme në Spanjë kanë raportuar se tre gjigantët evropianë si Milan, Juventus dhe Liverpool kanë shprehur interesim për transferimin e Brahim Diazit.

Klubi thuhet se po mendon ta rikthejë atë, duke ofruar një vend të garantuar startues dhe një mjedis të njohur. Stili i lojës së Milanit mund t’u përshtatet pikave të forta të Brahimit, duke e bërë atë një lëvizje tërheqëse për të.

Juventusi gjithashtu thuhet se është i interesuar për yllin maroken me klubin italian, i cili tani menaxhohet nga Thiago Motta, është në kërkim të një sulmuesi të gjithanshëm që mund të luajë në role të ndryshme sulmuese.

Liverpooli gjithashtu ka shprehur interes, veçanërisht pasi situata e kontratës së Mohamed Salah mbetet e pasigurt. Trajneri Arne Slot thuhet se vlerëson vizionin dhe dinamizmin e Brahimit.

Reali mund të pajtohet ta lejojë largimin e Diazit, por synon që nga largimi i tij të fitojë rreth 50 milionë euro. /telegrafi