Capital T takohet me Dana White dhe Ramiz Brahimajn në Amerikë

Rep-artisti i njohur shqiptar, Capital T, ndodhet prej disa ditësh në Shtetet e Bashkuara të Amerikës.

Këngëtari me këtë rast ka takuar personalitete të fushave të ndryshme e mjaft të rëndësishme.

Në një fotografi të shpërndarë në Instagram, ai shihet të jetë takuar me presidentin e UFC-së, Dana White dhe luftëtarin shqiptar, Ramiz Brahimaj.

Siç edhe tregon në përshkrimin e këtij imazhi, ata kanë darkuar së bashku.

“Është e mahnitshme të jesh pjesë e kësaj kompanie, ishte e mrekullueshme të takoja shefin dhe faleminderit për darkën”, ka shkruar ai.

Brahimaj nga ana tjetër vetëm pak ditë më parë arriti një fitore mbresëlënëse në një ndeshje të UFC-së.

Kjo ishte një mundësi shumë e mirë që të tregonte aftësitë e jashtëzakonshme në ring. /telegrafi