Huliganët serbë dogjën flamurin shqiptar në ndeshjen ndaj Zvicrës [video]

Tifozët e kombëtares së Serbisë kanë djegur një flamur shqiptar në tribunën ku ishin të vendosur në ndeshjen ndaj Zvicrës, të zhvilluar të premten mbrëma.

Zvicra dhe Serbia luajtën baras 1-1 në ndeshjen e vlefshme për Ligën A të Ligës së Kombeve, të luajtur në “Letzigrund Stadion” të Cyrihut.

Golat në këtë takim u shënuan nga Zeki Amdouni (78’) për vendasit dhe Aleksa Terzic (88’) për mysafirët.

Megjithatë, edhe në këtë ndeshje, tifozët serb treguan se vuajnë nga paranoja ‘anti-shqiptare’ duke bërë gjeste aspak të hijshme në tribunën e stadiumit.

Në një moment gjatë ndeshjes, disa tifozë serb vendosen ta djegin një flamur shqiptar, ndërsa nuk kanë munguar as thirrjet anti-shqiptare kohë pak kohe.

@kosovoandmetohija #switserland #uefa #zurich #footballtiktok #srbija #serbia #kosovojesrbija #kosovoisserbia #kosovoandmetohija #kosovo #kosova #kosovoandmetohija #balkan #balkans #balkantikok #balkanviral #fy #fyp #viral ë original sound - Kosovoandmetohija

Mbetet të shihet se çfarë dënimi mund të vendos UEFA ndaj tyre për këtë gjest. /Telegrafi/