Rodri flet për të ardhmen e Guardiolës te Man City

Mesfushori i Manchester Cityt, Rodri, ka folur për të ardhmen e trajnerit të skuadrës Pep Guardiolës te klubi anglez.

Guardiola shpeshherë është lidhur me një largim nga City, sidomos në kohët e fundit.

“Kur nënshkrova për Man Cityn, njerëzit më thanë: Pep do të largohet vitin e ardhshëm. Dhe ai ka qenë këtu për 5 vjet...”, u shpreh Rodri për “Cope”.

“Ne do të shohim! Ai është ambicioz, është ai që vendos të ardhmen e tij. Por në çdo rast, Man City do të vazhdojë të jetë Man City”. /Zëri