Tentoi të vriste me thikë ish-partneren në Korçë, gjykata e lë në burg 41-vjeçarin

Gjykata e Korçës ka lënë në burg 41-vjeçarin, i cili tentoi të vriste me thikë ish-partneren e tij. Prokuroria kërkoi masën e sigurisë arrest me burg për Ilir Çamin, mbi te cilin rëndon akuza e vrasjes së mbetur në tentativë, kërkesë që u pranua nga gjykata.

Gjatë seancës për vlerësimin e arrestit dhe caktimin e masës së sigurisë, Çami ka treguar pendesë për veprimin.

Ai ka pohuar se shkak i konfliktit me Mandarina Çela ishte një borxh prej 5 milionë lekë që ajo nuk pranonte t’ia kthente.

Ilir Çami goditi me thikë paraditen e të mërkurës Mandarina Çelën, në afërsi të Spitalit të Korçës. 46-vjeçarja kishte goditje me thikë në qafë dhe në dorë./abcnews