Vitia i uron shërim të shpejtë Kusari-Lilës, bën thirrje të shtohen kontrollet për mamografi

Ministri i Shëndetësisë, Arben Vitia, i ka uruar shërim të shpejtë shefes së Grupit Parlamentar të LVV-së, Mimoza Kusari-Lila, pas zbulimit të hershëm të kancerit të gjirit.

Në një postim në Facebook, ai bëri thirrje që të gjitha vajzat dhe gratë të kenë sa më shumë kontrolle për identifikim të hershëm të kancerit të gjirit.

“Shërim të plotë e kthim të shpejtë në aktivitetet që udhëheq! Qofsh çdoherë e fortë si deri më sot!”.

“Të dashura gra e vajza, me këtë rast i bashkohem thirrjes së Mimozës për kontrolle të rregullta siç është mamografia”.

“Zbulimi i hershëm i kancerit të gjirit jo vetëm shpëton jetë, por edhe pasojat janë minimale”, ka thënë Vitia.