Liverpooli, i interesuar për Tchouamenin e Real Madridit

Liverpooli po kërkon të sjellë mesfushorin e Real Madridit, Aurelien Tchouameni, në radhët e veta.

Një raport në Spanjë pohoi të enjten se Liverpooli po përgatit një ofertë fillestare prej 60 milionë eurosh për ta sjellë atë në “Anfield” dhe tani “Football Insider” insiston se Tchouameni po konsideron një largim nga Real Madridi në fund të këtij sezoni.

Një raport i fundit nga gazetari belg Sacha Tavolieri pretendoi se Liverpooli ka qenë në kontakt me rrethin e tij ditët e fundit për të diskutuar një transferim mes pretendimeve që Sloti është i fiksuar me mesfushorin.

Tchouameni ka kontratë të vlefshme me Los Blancos deri më 30 qershor të vitit 2028. /Zëri