Dalin në shitje biletat për ndeshjen Kosovë-Lituani

Federata e Futbollit e Kosovës ka nxjerrë në shitje biletat për ndeshjen Kosovë – Lituani, e cila do të luhet më 18 nëntor në ora 20:45 në stadiumin “Fadil Vokrri”.

Kjo do të jetë ndeshja e fundit për edicionin e katërt të Ligës së Kombeve.

Çmimet e biletave janë si vijon: 5 euro për tribunat veri dhe jug, 10 euro për lindje, 20 euro për perëndim, ndërsa biletat VIP kushtojnë 80 euro.

Biletat janë të disponueshme për blerje online në faqen e FFK-së.

Para kësaj ndeshjeje, Kosova do të përballet me Rumaninë më 15 nëntor në ora 20:45.

Aktualisht, Kosova renditet në vendin e dytë të Grupit C2 me 9 pikë.