Policia gjen armë në një veturë në fshatin Ranoc të Klinës, ndalohet shoferi

Mbrëmë rreth orës 20:20, gjatë një pike kontrolli në fshatin Ranoc të Klinës, policia ka ndaluar të dyshuarin me automjet me targa vendore.

Policia ka njoftuar se gjatë kontrollit rutinor në automjetin e të dyshuarit janë gjetur dhe sekuestruar:

Një (1) armë (pistoletë) model Beretta, kalibri 9x19 mm

Një (1) karikator i së njëjtës armë

Shtatëmbëdhjetë (17) copë fishekë të kalibrit 9x19 mm.

Gjatë intervistimit nga hetuesit, i dyshuari ka deklaruar se posedon edhe disa fishekë të tjerë në shtëpi, gjatë kontrollit ne shtëpinë e tij janë gjetur dhe sekuestruar:

Tetë (8) copa fishekë, kalibri 9 mm

“I dyshuari pas intervistimit, me urdhër të prokurorit të Shtetit, është dërguar në mbajtje për 48 orë”, thuhet në njoftim. /Zëri