Diell, vranët e mjegull – moti në fundjavë

Instituti Hidrometeorologjik i Kosovës bën të ditur se sot në Kosovë parashihet të mbajë mot me diell dhe vranësira të shpërndara.

IHK njofton se në mëngjes nëpër ultësira parashihet të ketë mjegull.

Temperaturat minimale do të lëvizin ndërmjet 0-3 gradë Celsius, ndërsa maksimalet e ditës parashihen të lëvizin ndërmjet 15 deri 18gradë Celsius.

Do të fryjë erë nga drejtimi i verilindjes me shpejtësi 1-3m/s.

Ndërkaq, për të dielën parashihet të mbajë mot me diell dhe pjesërisht i vranët.

Në mëngjes parashihet të krijohet mjegull e radiacionit.

Temperaturat minimale do të lëvizin ndërmjet 3-6 gradë celsius, ndërsa maksimalet e ditës parashihen të lëvizin ndërmjet 12-15 gradë Celsius.

Do të fryjë erë e lehtë deri mesatare nga drejtimi i verilindjes.