Real Madrid akuzon UEFA-n për humbjen e Vinicius Jr në garën për “Topin e Artë”

Real Madridi është i bindur se UEFA është përgjegjëse që Vinicius Junior nuk e fitoi "Topin e Artë 2024". Klubi mbretëror beson se organi drejtues i futbollit evropian ishte orkestruesi kryesor pas fitores së Rodrit.

Frustrimet e Real Madridit me UEFA-n rrjedhin nga tensionet e kaluara, veçanërisht në lidhje me mbështetjen e klubit spanjolle për Superligën Evropiane.

Tani, me UEFA-n që bashkëpunon me France Football për herë të parë që nga viti 1956 për Topin e Artë, Real Madrid mendon se ky partneritet luajti një rol të rëndësishëm për të siguruar që Vinicius Jr të mos siguronte çmimin prestigjioz.

Për më tepër, Real Madrid argumenton se kriteret e përdorura për të gjykuar performancën e Rodri duhet të kishin favorizuar në mënyrë ideale Dani Carvajalin për trofeun.

The 2024 Ballon d'Or full ranking! ë#ballondor pic.twitter.com/eQgfogUI8y

— Ballon d'Or (@ballondor) October 28, 2024

Klubi thuhet se është i pakënaqur me mënyrën se si u trajtua procesi i votimit dhe beson se ai nuk pasqyronte arritjet e vërteta të lojtarëve të tyre.

Ndryshe, Vinicius Jr përfundoi i dyti në garën për Topin e Artë, ndërsa pasi tij u renditen Jude Bellingham, Dani Carvajal dhe Erling Haaland. /Telegrafi