Ancelotti: S’ka favorit në El Clasico, është lojë e komplikuar
Trajneri i Real Madridit, Carlo Ancelotti, ka folur në konferencën për shtyp para ndeshjes së nesërme (e shtunë) El Clasico kundër Barcelonës.
Real Madridi e pret Barcelonën në stadiumin Santiago Bernabeu në ndeshjen e parë El Clasico të sezonit 2024/25 dhe të dy ekipet vijnë nga një formë e lartë.
Ancelotti duhet të modifikojë 11-shen e tij dhe të vlerësojë nëse ai ndryshon sistemin pas mungesave të konfirmuara të Rodrygo Goes dhe Thibaut Courtois.
Për ndeshjen dhe gjithçka tjetër ka folur vetë trajneri italian, i cili nuk beson se kjo përballje ka një favorit të qartë.
“Skuadra është mirë, e motivuar, pasi si gjithmonë kjo është një lojë e komplikuar dhe argëtuese”, ka thënë fillimisht Ancelotti.
“Ata [Barcelona] kanë një ide shumë të qartë të lojës, ata janë një ekip shumë i guximshëm dhe ne duhet të përgatitemi mirë për lojën”.
“Ata me të vërtetë po bëjnë shumë mirë, është e vështirë të përmendësh një favorit në një El Clasico. Për fat të mirë asgjë nuk më mban zgjuar natën”.
“Favorit? Nuk ka, varet nga shumë gjëra, nga mënyra se si i menaxhon ndeshjet, do të ketë raste kur ne kemi kontroll dhe herë të tjera ata do ta kenë. Dhe menaxhimi i kësaj është shumë i rëndësishëm”.
“Plani kundër Barçës? Kam diçka në mendje, por duhet ta shihni nesër dhe më pas mund të më thoni nëse kam gabuar apo jo”, përfundoi trajneri italian.
ë Carlo Ancelotti: “I have something planned for tomorrow, you’ll see it and then you can tell me if I was wrong or not.” pic.twitter.com/SskPrOD8kr
— Madrid Zone (@theMadridZone) October 25, 2024