Sindikata e Policisë me lojëra sportive në shenjë nderimi për kolegët e rënë në detyrë

Sindikata e Policisë së Kosovës njofton se në rajonin e Prizrenit, te qendra sportive “Sezai Surroi” në Prizren, sot dhe nesër organizohen lojërat sportive në shenjë nderimi dhe përkujtimi të zyrtarëve policorë të rënë në kryerje të detyrës zyrtare.

Në hapje të këtij eventi sportiv pritet të marrin pjesë përfaqësues të lartë nga institucionet vendore, stafi menaxhues i Policisë së Kosovës, familjarë të policëve të rënë në kryerje të detyrës dhe përfaqësues të sindikatave policore të vendeve nga rajoni dhe më gjerë.