O’Brien dhe Hovenieri mbjellin pemë në nderim dhe kujtim të diplomates amerikane Tina Kaidanow
Në nder të veprës së diplomates së njohur amerikane, Tina Kaidanow, e cila u nda nga jeta ditë më parë, zyrtarë të lartë të Departamentit Amerikan të Shtetit kanë marrë pjesë në një ceremoni simbolike për mbjelljen e një peme.
Në këtë nismë, ndihmëssekretari i Shtetit, Jim O’Brien, iu bashkua ambasadorit amerikan në Prishtinë, Jeffrey Hovenier.
Hovenieri përmes një postimi në platoformën " X" ish-Twitter, tha se kjo pemë do të qëndrojë si një simbol i trashëgimisë së Kaidanow, e cila shërbeu si ambasadorja e parë amerikane në Kosovë.
Ai shtoi se ky gjest përkujton përkushtimin e saj të palëkundur në rrugëtimin e Kosovës drejt paqes, demokracisë dhe pavarësisë.
“Kjo pemë do të na kujtojë gjithmonë veprën e saj dhe mbështetjen që ajo i dha popullit të Kosovës,” tha Hovenier, ndërsa shoqëroi mesazhin e tij me një fotografi ku shihen së bashku me O’Brien, gjatë ceremonisë.
Today, I joined @StateEUR Assistant Secretary O’Brien and the @USEmbPristina community at a dedication and tree planting ceremony in memory of Ambassador Tina S. Kaidanow, the first U.S. Ambassador to Kosovo. This tree will stand as a symbol of her legacy, reminding us of her… pic.twitter.com/qpV09dUzqX
— Ambassador Jeff Hovenier (@USAmbKosovo) October 21, 2024