Ministri i Jashtëm turk konfirmon vdekjen e Fethullah Gulenit

Inteligjenca turke ka konfirmuar vdekjen e kreut të grupit terrorist FETO, Fethullah Gulen, tha të hënën ministri i Jashtëm turk, Hakan Fidan.

“Burimet tona të inteligjencës konfirmojnë vdekjen e liderit të organizatës FETO”, tha Fidani në përgjigje të pyetjes së Anadolu në një konferencë të përbashkët për shtyp me ministrin e Jashtëm ukrainas, Andrii Sybiha në Ankara, raportojnë mediat turke, transmeton Klankosova.tv.

Guleni kishte jetuar në shtetin amerikan të Pensilvanisë. Udhëheqësit turq kishin kërkuar prej kohësh ekstradimin e tij, por zyrtarët gjyqësorë amerikanë nuk e miratuan atë.

Ai orkestroi grusht shtetin e dështuar të 15 korrikut 2016 në Turqi, ku 252 njerëz u vranë dhe 2 mijë 734 u plagosën.