Para apo pas dushit, kur duhet ta aplikoni maskën për fytyrën tuaj?

Nëse keni menduar nëse është më mirë ta vendosni maskën e fytyrës para ose pas dushit, ka të ngjarë të keni lexuar informacione të ndryshme në internet. Çelësi i kësaj përgjigje varet nga lloji i maskës që përdorni, si dhe nga lloji i lëkurës.

Si ta aplikoni siç duhet një maskë fytyre?

Qëllimi i maskës së fytyrës varet nga lloji i saj. Disa maska janë të krijuara për tharjen e sebumit (vajit) të tepërt te lëkurat mikse ose të yndyrshme, ndërsa të tjerët plotësojnë lagështinë e humbur në lëkurën e thatë. Disa maska trajtojnë tonin e pabarabartë të lëkurës dhe të tjerët mund të përmbajnë shtresues që ndihmojnë në heqjen e qelizave të vdekura.

Pavarësisht nga lloji i maskës, ka disa hapa kryesorë që duhet të ndiqni:

1. Pastroni fytyrën me larës.

2. Vendosni maskën në një shtresë të hollë, të barabartë, rreth gjithë fytyrës. Kini kujdes të shmangni sytë dhe buzët. Mund ta vendosni edhe në qafë dhe dekolte.

3. Prisni 5 deri në 20 minuta, në varësi të udhëzimeve të produktit.

4. Shpëlajeni me ujë të ngrohtë, jo të nxehtë.

5. Vendosni më pas serumin dhe hidratuesin.

Para apo pas gjumit?

Një mundësi e vendosjes së maskave të fytyrës është teksa jeni në dush. Thjesht lani fytyrën, vendosni maskën dhe lëreni të veprojë teksa ju vazhdoni rutinën tuaj në dush.

Por mund ta vendosni maskën edhe pas dushit. Kjo vlen më së shumti për maskat pastruese për lëkurën e yndyrshme ose mikse. Dushi lejon hapjen e poreve nga uji i ngrohtë.

Nëse keni lëkurë të thatë, mund ta vendosni para se të bëni dush. Kjo ndihmon mbajtjen e hidratimit. Sigurohuni që të vendosni krem hidratues pasi dilni nga dushi.

Nëse doni të vendosni një maskë pa qenë nevoja të laheni, lexoni udhëzimet.