Prishtina e mposht Malishevën, Drita ndalet nga Feronikeli 74

Prishtina ka shënuar një fitore të madhe sot.

Kryeqytetasit triumfuan 1:3 në udhëtim ndaj lideres, Malishevës, në kuadër të Superligës.

Drilon Hazrollaj kaloi vendasit në epërsi në minutën e tretë, por Prishtina arriti të bënte rikthimin e madh.

Sunday Akinbule barazoi shifrat vetëm tre minuta më pas.

Krejt në fundin e pjesës së parë, Gallapeni përmbysi rezultatin dhe kaloi Prishtinën në avantazh.

E për 1:3 u përkujdes Leonat Vitija në minutën e 76-të.

Me këtë fitore, Prishtina shkon në kuotën e 16 pikëve në vendin e dytë, një më pak se Malisheva që prin përkohësisht.

E befasi ndodhi në Drenas, atje ku Feronikeli 74 arriti ta ndalë Dritën.

Dueli i zhvilluar në “Rexhep Rexhepi” u mbyll me rezultat të barabartë 0:0.

Drita pas shtatë ndeshjeve ka 14 pikë në vendin e katërt, tri më pak se liderja, Malisheva.

Në anën tjetër, për Feronikelin 74 kjo ishte vetëm pika e dytë e kampionatit.