Kurti pret në takim ambasadorin turk, flasin për bashkëpunimin në fushën e mbrojtjes dhe sigurisë
Kryeministri i Kosovës, Albin Kurti, sot ka pritur në takim ambasadorin e Turqisë në Kosovë, Sabri Tunç Angili.
ZKM-ja njofton se në takim është diskutuar për marrëdhëniet bilaterale dhe bashkëpunimin në fushën e ekonomisë, tregtisë, mbrojtjes dhe sigurisë.
“Në takim u bisedua për marrëdhëniet bilaterale, bashkëpunimin në fushën e ekonomisë, tregtisë, mbrojtjes dhe sigurisë. Kryeministri vlerësoi kontributin dhe mbështetjen e vazhdueshme të Turqisë ndaj popullit dhe shtetit të Kosovës”, thuhet në njoftimin e ZKM-së.