PDK-ja me mbështetjen e 42 deputetëve, ftojnë nesër seancë të jashtëzakonshme për aferën e Kusarit-Lila

Kryetari i Grupit Parlamentar të PDK-së, Abelard Tahiti me mbështetjen e 42 deputetëve ka dorëzuar kërkesën për seancë të jashtëzakonshme të Kuvendit të Kosovës nesër (e premte).

Tahiri tha se në emër të 42 deputetëve, sapo dorëzoi në Kuvend kërkesën për seancë të jashtëzakonshme për ditën e nesërme nga ora 12:00. Kjo pasi dje u publikuar një audio-inçiqizim derisa shefja e Grupit Parlamentar të LVV-së, Mimoza Kusari-Lila, ishte duke biseduar në telefon me Milan Radoiçiq, ish-nënkryetarin e Listës Serbe, në qershor te vitit 2022.

Tahiri tha se kjo seancë vjen lidhur me urgjencën që përfshinë sigurinë dhe kredibilitetin e Kosovës, sipas tij, për të kuptuar se sa thellë e ka përfshirë ky pushtet, terroristin Milan Radojçiq, “në diktimin e agjendës së Kuvendit të Kosovës”.

“Ky turp nga rrafshi moral e ky degradim nga rrafshi institucional, ku një terroristi dhe një personi që gjendej në Listën e Zezë të SHBA-vë, iu është mundësuar ta diktojë agjendën e Kuvendit të Kosovës, nuk mund të kalojë pa përgjigje”, tha Tahiri.

“Njëherit, në përpjekje për t’ia ndryshuar kahjen këtij mega skandali, shefja e Grupit Parlamentar të Lëvizjes Vetëvendosje, Mimoza Kusari, tha sot në Kuvend se “imagjinoni kur do të dalin fotot e përurimit të shtëpisë së Radojçiqit, imagjinoni kur dalin dhuratat për fëmijët e Radojçiqit nga zyrtarë e udhëheqës” duke aluduar se ajo i di dhe i ka parë të njëjtat”, tha Tahiri.

Ai ka thënë se populli i Kosovës nuk meriton mjegull.

“Prandaj, e ftoj zonjën Kusari që nesër, para seancës në konferencë për media, apo gjatë seancës, t’i publikojë këto fotografi një për një, të evidentojë me emër e mbiemër dhe pozitë, të gjithë ata që paskan qenë në përurimin e shtëpisë së Radojçiqit dhe që i paskan dërguar dhurata atij”, tha ai. /klankosova