Lewandowski me het-trik, Barcelona merr fitore bindëse ndaj Alaves

Barcelona ka arritur të marr fitore ndaj Alaves si mysafir me rezultat 3-0 në kuadër të javës së nëntë të La Ligas. 

Ndeshja nisi shumë mirë për mysafirët që arritën që në rastin e parë të mirë të shënojnë gol. 

Zhvillohej minuta e 7-të, kur Raphinha asistoi te Robert Lewandowski i cili shënoi për 1-0. 

Në minutën e 22-të, sërish e njëjta dyshe në aksion, me polakun që shënoi golin e dytë pas asistimit të brazilianit për 2-0. 

Lewandowski kompletoi het-trikun në minutën e 32-të, duke shënuar për 3-0. 

Pjesa e dytë edhe pse solli shumë raste, gola të tjerë nuk kishte. 

Barcelona me këtë fitore mbetet në vendin e parë me 24 pikë, tri më shumë se sa Real Madridi. p