2 Korriku fiton edhe ndeshjen e kthimit ndaj Bylysit, kalon në rrethin tjetër të UEFA Youth League

2 Korriku ka fituar edhe ndeshjen e kthimit në UEFEA Youth League pasi ka mposhtur Bylysin e Ballshit me rezultat 2-1.

Ndeshja nisi me disa raste shënimi për vendasit, por pa sukses.

Pjesa e parë u mbyllë me rezultatin e barabartë 0-0.

Ndeshja u zhbllokua në minutën e 61-të, kur Haris Isufi realizoi gol të bukur pasi doli përballë me portierin mysafirë dhe realizoi për 1-0.

Mysafirët u rikthyen në lojë me anë të Chidera Nwaneri ku barazoi rezultatin pasi shënoi nga afërsia për 1-1.

Por gëzimi i mysafirëve zgjati vetëm tre minuta, pasi Rin Ahmeti realizoi për t’i dhënë fitoren 2 Korrikut për 2-1.

Kësisoj 2 Korriku kalon në rrethin tjetër të UEFA Youth League me rezultat të përgjithshëm 4-2 pasi edhe në ndeshjen e parë triumfuan me rezultat 2-1.