Këmbësori që u godit nga motoçikleta në Lipjan, në gjendje kritike

Një aksident i rëndë ka ndodhur gjatë ditës së djeshme në Lipjan.

Aty një këmbësor është goditur nga një motoçikletë, me ç’rast ka pësuar lëndime të rënda trupore.

Ai u dërgua për trajtim në QKUK.

Nga ky institucion kanë dhënë detaje lidhur me gjendjen shëndetësore të tij.

U bë e ditur se gjendje e tij është kritike për jetën.

“Dje e kemi pranuar një pacient që ka ardhur pas lëndimeve që i ka pësuar nga një aksident që ka ndodhur në Lipjan. Mbrëmë atij i është dashur t’i nënshtrohet një intervenimi”, thanë nga QKUK-ja për Klankosova.tv

“Pacienti në fjalë ka lëndime serioze në kokë. Gjendja e tij vazhdon të jetë e rënduar, deri në kritike për jetën. Po vazhdon të jetë i monitoruar me aparate dhe po mbahet i fjetur me barna”.

Lidhur me rastin, Policia ka arrestuar drejtuesin e motoçikletës dhe me vendim të prokurorit është dërguar në mbajtje.