Haxhiu për pagat e paekzekutuara: Ky është një skandal i qeverisë, nuk guxon të kalojë pa ndëshkim

Deputeti i PDK-së, Bekim Haxhiu ka bërë thirrje për ndëshkim dhe protesta kolektive, sa i përket mos ekzekutimit të pagave në administratën shtetërore.

Haxhiu përmes një postimi në rrjetin social Facebook ka thënë se ky është një skandal i qeverisë.

“Duam pagat tona! Kjo është thirrja e punëtorëve të administratës shtetërore që paguhen nga Buxheti i Kosovës! Ishte lajm i keq kur u kuptua që Lista e pagave në shëndetësi do të ekzekutohen pa e përfshi pagesën për kujdestaritë dhe ndërrimin e natës, por doli të jetë lajm skandaloz se sot pagat që ekzekutohen nga Buxheti i Kosovës, nuk janë ekzekutuar fare, jo vetëm në shëndetësi, por përgjithësisht në administratën publike. Ky dështim nuk guxon të kalojë pa ndëshkim, pa protesta kolektive”, ka thënë Haxhiu.