Ambasadori britanik: Serbia të marrë masa që Radoiçiqi e të tjerët të sillen para drejtësisë
Ambasadori britanik në Kosovë, Jonathan Hargreaves, ka bërë thirrje që Serbia të marrë masa për të sjellë para drejtësisë autorët e sulmit në Banjskë më 24 shtator 2023, të udhëhequr nga Millan Radoiçiq.
Në një postim në platformën “X”, Hargreaves ka theksuar rëndësinë e vendosjes së drejtësisë për rreshterin e Policisë së Kosovës, Afrim Bunjaku, i cili humbi jetën gjatë këtij sulmi terrorist.
“Sot bëhet një vit nga vrasja e policit Afrim Bunjaku dhe ngjarjet tronditëse që ndodhën në Banjskë,” ka shkruar ambasadori, duke përgëzuar profesionalizmin e Policisë së Kosovës për veprimet e tyre në rivendosjen e rendit atë ditë.
Ai gjithashtu ka vlerësuar punën e prokurorëve kosovarë për ngritjen e aktakuzave lidhur me rastin.
“I bëj nder profesionalizmit dhe trimërisë së Policisë së Kosovës për veprimin e tyre për të rivendosur rendin më 24 shtator 2023 dhe prokurorëve të Kosovës për punën e tyre duke ngritur aktakuzë”, ka shtuar Hargreaves.
Ambasadori britanik ka theksuar se Mbretëria e Bashkuar është e vendosur në kërkesën e saj që autorët e sulmit, përfshirë Millan Radoiçiqin, të përballen me drejtësinë.
“Britania e Madhe vazhdon të kërkojë që autorët e këtij sulmi, përfshirë Millan Radoiçiq, të kapen dhe të sillen para drejtësisë”, ka theksuar ai, duke bërë thirrje Serbisë që të ndërmarrë masat e nevojshme për të siguruar që drejtësia të vihet në vend sa më shpejt të jetë e mundur.
for their patient work developing an indictment.
— Jonathan Hargreaves (@jonhargreaves67) September 24, 2024
ë continues to demand that the perpetrators of this attack, including Milan Radoicic, are apprehended & brought to justice. We repeat our call on Serbia to take necessary measures to ensure this happens as soon as possible.
2/2 pic.twitter.com/aZfiXO9Xuq