Hezbollahu godet Izraelin me mbi 100 raketa duke synuar objektet ushtarake dhe industriale

Një “breshëri” raketash është lëshuar nga Libani drejt Izraelit, pasi Hezbollahu synonte objektet industriale dhe ushtarake izraelite.

Bëhet e ditur se shumica e 105 raketave u kapën, megjithëse disa shtëpi u goditën.

Hezbollahu tha se kishte gjuajtur dhjetëra raketa drejt objektivave në Izraelin verior si hakmarrje për sulmet e javës së kaluar me pager dhe telekomandë.

Izraeli ka vazhduar gjithashtu të sulmojë objektiva në Liban pas sulmit ajror në Bejrut, për të cilin IDF tha se vrau një duzinë komandantësh të lartë të Hezbollahut, shkruan BBC, përcjell telegrafi.

Ndërsa Libani tha se 37 persona – përfshirë tre fëmijë – u vranë.

Përpara se të fillonin sulmet izraelite, IDF tha më parë se kishte shkatërruar “rreth 180 vende dhe mijëra fuçi raketahedhëse” me sulme.

Në fillim të kësaj jave, 39 njerëz u vranë dhe mijëra u plagosën pasi pagerët e përdorur nga Hezbollahu, milicia dhe grupi politik i mbështetur nga Irani, shpërthyen në të gjithë Libanin.

Udhëheqësi i Hezbollahut, Hassan Nasrallah fajësoi Izraelin për sulmet, duke thënë se ai kishte kaluar “të gjitha vijat e kuqe” dhe u zotua “ta ndëshkojë”.

Por, Izraeli nuk e ka marrë përgjegjësinë.

Shefi i OKB-së për të drejtat e njeriut, Volker Türk tha se shpërthimet e pagerave shkelin ligjin ndërkombëtar humanitar.

Ndërsa frika rritet se konflikti mund të shpërthejë në një luftë në shkallë të gjerë, Departamenti i Shtetit i SHBA-së lëshoi ëkëshilla të reja udhëtimi për qytetarët që aktualisht janë në Liban.

Siç raportohet, ambasada e SHBA-së në Bejrut u ka kërkuar njerëzve që të “largohen nga Libani ndërsa opsionet komerciale mbeten ende të disponueshme”, duke vënë në dukje se ata tashmë po funksiononin me “kapacitet të reduktuar”.

 

Lexo edhe:

“Ne nuk duam luftë me Libanin”, deklarohet presidenti izraelit

Të shtëna masive në Alabama, të paktën katër të vdekur dhe shumë të plagosur

Rrjedhja e metanit shkakton shpërthim në minierën e Iranit, të paktën 30 të vdekur