Szijarto: Hungaria s’do ta mbështetë anëtarësimin e Kosovës në KiE, s’i kontribuon dialogut

Ministri i Punëve të Jashtme i Hungarisë, Peter Szijarto, ka thënë se Budapesti zyrtar nuk do të mbështetë anëtarësimin e Republikës së Kosovës në Këshill të Evropës.

Kështu i ka thënë ai agjencisë serbe të lajmeve “Tanjug”, duke shtuar se aplikimi i Kosovës për anëtarësim në KiE nuk i kontribuon dialogut në mes të Kosovës dhe Serbisë për normalizim të raporteve.

“Ne jemi të vendosur për suksesin e dialogut, por ne besojmë se fakti që Kosova po aplikon për anëtarësim në organizatat ndërkombëtare nuk i kontribuon atij dialogu. Hungaria nuk do ta mbështetë pranimin e Kosovës në Këshillin e Evropës”, tha Szijarto.