Lajçaku paralajmëron vizitë në Kosovë

Emisari i BE-së për Ballkanin Perëndimor, Mirosllav Lajçak, ka paralajmëruar se shumë shpejt do të vizitojë Kosovën.

Në një postim në profilin e tij zyrtar në rrjetin social Facebook, Lajçaku ka bërë të ditur se do të vijë në Prishtinë për takimin e ardhshëm në kuadër të dialogut në Bruksel.

“Pas një ndalese të shkurtër në Bruksel, do të shkoj në Bled për Forumin Strategjik të Bledit të këtij viti dhe në Prishtinë për të përgatitur takimin e ardhshëm të kryenegociatorëve në Bruksel”, ka shkruar Lajçak ndër të tjerash.

Ai ka folur edhe për pjesëmarrjen e tij në Forumin Evropian Alpbach dhe Forumin GLOBSEC.

Si dhe, për takimin me presidentin e Serbisë, Aleksandar Vuçiq, me të cilin tha se bisedoi për hapat e ardhshëm në procesin e dialogut.