Hansi Flick kërkon transferimin e Rashfordit

Hansi Flick thuhet se ka kërkuar që Barcelona të nënshkruajë anësorin e Manchester Unitedit, Marcus Rashfordin, pasi nuk arriti të transferojë Nico Williamsin.

Që kur mori drejtimin e Barcelonës, Hansi Flick e bëri të qartë se dëshiron një anësor të majtë në skuadrën e tij, i cili mund të shënojë dhe driblojë. Prandaj, gjigantët katalanas synuan Williamsin nga Athletic Club në fillim të kësaj vere dhe rritën ndjekjen e tyre pasi anësori luajti në triumfin e Spanjës në “Euro 2024”.

Megjithatë, tani duket se Atheltic Club nuk është i etur për të lënë anësorin e tyre yll të largohet këtë verë.

Me Williamsin që nuk ka gjasa të arrijë në klub, Blaugrana kanë identifikuar alternativa, duke përfshirë sulmuesin e pafavorshëm të Bayern Munichut dhe Francës, Kingsley Comanin. Një emër tjetër befasues që ka dalë në listën e tyre të ngushtë është Rashfordi i Manchester Unitedit. Për gazetarin e “GOL Sport”, Albert Fernandez, Hansi Flick thuhet se ka kërkuar që klubi të nënshkruajë me anësorin anglez.

26-vjeçari arriti të shënojë vetëm tetë gola dhe të japë gjashtë asistime në të gjitha garat për Unitedin sezonin e kaluar dhe u kritikua gjerësisht për paraqitjet e tij. Forma e tij e dobët bëri që Gareth Southgate ta linte atë jashtë skuadrës së Anglisë që udhëtoi për në Gjermani për “Euro 2024”. Në sezonin aktual, sulmuesi është paraqitur në të dyja ndeshjet që “Djajtë e Kuq” kanë luajtur deri më tani dhe paraqitjet e tij në ato ndeshje kanë qenë larg të qenit bindës. /Zëri