Drita e mëson kundërshtarin në play-offin e Ligës së Konferencës

Drita ka arritur ta prekë fazën e play-offit të Ligës së Konferencës për herë të parë në histori.

Skuadra gjilanase arriti ta kalojë pengesën e radhës në rundin e tretë kualifikues.

“Intelektualët” triumfuan 3:1 pas vazhdimeve ndaj Audas, teksa kishin pësuar 1:0 në ndeshjen e parë në Letoni.

Kësisoj, Drita ka arritur të kalojë në play-off, ku si pengesë të fundit para fazës së grupeve do ta ketë skuadrën polake, Legian e Varshavës.

Legia arriti ta eliminojë Brondbyn në rundin e tretë, skuadra daneze që e kishte mposhtur Llapin paraprakisht.