Babai i Imane Khelif tregon certifikatën e saj të lindjes pas bujës së madhe në Lojërat Olimpike

Babai i Imane Khelif ka treguar certifikatën e saj të lindjes, ndërkohë që debati për testet gjinore olimpike vazhdon.

Gjithçka filloi para Lojërave Olimpike të Parisit 2024, kur luftëtarja algjeriane, 25 vjeçe, u skualifikua nga Kampionatin Botëror të Boksit për Femra të vitit të kaluar në Nju Delhi.

Shoqata Ndërkombëtare e Boksit, e cila u ndalua përgjithmonë nga Lojërat Olimpike vitin e kaluar, tha se ajo dhe Lin Yu-ting e Tajvanit nuk ishin në gjendje të përmbushnin kriteret e tyre të paspecifikuara të përshtatshmërisë gjinore.

Megjithatë, dy boksieret janë lejuar të garojnë në Paris. Dezinformata në mediat sociale filluan të përhapen kur Khelif u përball me Angela Carini të Italisë në raundin e 16-të të enjten (1 gusht). Carini vendosi të ndërpresë ndeshjen pas 46 sekondash.

Mes reagimit të ashpër në internet, babai i saj Omar Khelif, ka këmbëngulur se vajza e tij meriton të luftojë në kategorinë 66 kilogramë për femra.

Ai i tha Sky News javën e kaluar: “Fëmija im është një vajzë. Ajo u rrit si vajzë. Ajo është një vajzë e fortë. Unë e rrita atë të jetë punëtore dhe e guximshme. Ajo ka një vullnet të fortë për të punuar dhe për t’u stërvitur”.

Babai e tregoi dokumentin në TV francez. (BFMTV)

“Kundërshtarja italiane me të cilën u përball nuk ishte në gjendje të mposhtte vajzën time, sepse vajza ime ishte më e fortë”.

Në një intervistë për stacionin televiziv francez BFMTV, babai shkoi një hap më tej duke treguar certifikatën e lindjes së vajzës së tij për të dëshmuar se ajo kishte lindur vajzë.

IOC, në anën tjetër, ka thënë se janë të trishtuar nga abuzimi që dy boksieret po marrin aktualisht. /Telegrafi