Personazhi i TikTok-ut Rasim Avdyli shfaqet sërish me Artan Hajrizin, ka një mesazh për mediat

Personazhi i njohur nga rrjeti social TikTok, Rasim Avdyli, është lajmëruar në rrjetet sociale duke porositur të mos i përmendet emri në lidhje me rastin e djeshëm, ku është vrarë një polic serb.

Ai është takuar me Artan Hajrizin, vëllain e Faton Hajrizit, të dyshuar për vrasjen e policit në Serbi.

Avdyli në videon e tij tha se Artan Hajrizi kishte qenë tek ai si punëtor.

Ai madje ka ofenduar edhe gazetarët, derisa ka thënë se po i vendoset jeta në rrezik.

“Ju kisha lutë të tërëve mos e përzini emrin tem për me përfitu ju në krah temin. O majmuna! Mos më përzini mua, unë i kam problemet e mia, unë i kam problemet ma s’pari me krye. Kqyre njërin e thirra, u takova me të. Ju po ma bëni mua ngushtë. Po ia bëni edhe këtij ngushtë”, ka thënë ai.

“Bollni ma o gazetarë se s’mundem t’i bie ma andej nga Serbia. Ky njeri u kanë në shtëpinë time, e ka lyer shtëpinë time”.

“Lërini këto marrina o ju gazetarë. Majmuna, sot e kam ditëlindjen. Në vend se me festu sot ditëlindjen time, duhet me u marrë unë me juve”, shtoi ai.

Ai tutje tha se publikimi i një video të tij në shoqërinë e Artan Hajrziti, e ka vendosur jetën e tij në rrezik. Ai tha se i cenohet jeta nëse i bie rrugës nga Serbia për të ardhur në Kosovë.

“Mos ma përmendni emrin o majmuna, se unë nesër qanej s’mund t’i bie ma kurrë. Mos më shtini në sene të këqija se nesër me shku dikush andej me mbiemër tem e me hangër shkaku i juaj”, ka thënë ai.

Ndryshe, Artan Hajrizi dje në deklarimin e tij në lidhje me vrasjen e policit serb deklaroi se vëllai i tij ia kishte vjedhur dokumentet dhe se ai jeton në Hanover dhe punon në ndërtimtari dhe se nuk ka lidhje me këtë rast.

Madje ai thotë se e kishte porositur vëllain e tij të dorëzohet tek autoritetet, por se nuk e dëgjoi.

@rasimavdyli609 @ë_ë @ë_ë ë ë original sound - King_Rasim

@rasimavdyli609 @ë_ë @ë_ë ë ë original sound - King_Rasim