Dhurata Dora do të performojë në festivalin “Beach Please” në Rumani

Këngëtarja e njohur shqiptare, Dhurata Dora, do të performojë në një nga festivalet më të mëdha të muzikës në Evropë.

Artista do të jetë një nga performancat kryesore në festivalin “Beach Please”, i cili do të mbahet në Rumani këtë verë.

Dhurata Dora do të ngjitet në skenën e festivalit të dielën, më 14 korrik, dhe do të ndajë skenën me disa nga yjet më të mëdhenj të muzikës botërore.

Lajmi ka ngjallur shumë entuziazëm te fansat e saj, të cilët janë të emocionuar për të parë performancën e saj live.

Në këtë event të madh muzikor do të marrin pjesë edhe artistë të njohur ndërkombëtarë si: French Montana, Travis Scott, Ice Spice, Swae Lee, dhe shumë të tjerë.

Festival “Beach Please” pritet të tërheqë mijëra adhurues të muzikës nga mbarë bota, duke e bërë këtë një ngjarje të paharrueshme.

Dhurata Dora, e cila ka fituar zemrat e publikut me hitet e saj dhe performancat energjike, është e njohur për talentin dhe karizmën e saj skenike.

Pjesëmarrja e saj në këtë festival jo vetëm që është një arritje e madhe për karrierën e saj, por gjithashtu një nder për muzikën shqiptare në arenën ndërkombëtare. /Telegrafi/