Ju erdhët në plazh, por fëmija as që i afrohet detit: Si të përballeni me frikën nga uji?

Edhe pse shumica e fëmijëve e duan ujin, ka ende një grup fëmijësh që kanë frikë nga uji. Nuk është, të themi, një frikë nga noti në vaskë ose spërkatje në pishinë, por është një frikë vetëm kur je në det.

Që fëmija ka frikë nga uji, pra nuk dëshiron të hyjë në det, do ta shihni që në fillim të verimeve të para.

Ju erdhët për pushime, u rehatuat dhe e morët fëmijën për dore dhe e çuat drejt detit dhe më pas ai filloi të qante dhe të largohej nga uji duke shfaqur shenja pakënaqësie.

Është e zakonshme që fëmijët të kenë frikë nga uji dhe prindërit të ndihen të frustruar për shkak të kësaj, shkruan “Very well family”, përcjell Telegrafi.

Çfarë mund ta shkaktojë frikën nga uji?

Ju mund ta fajësoni atë për papjekurinë zhvillimore në shumicën e rasteve. Foshnjat, për shembull, nuk janë gjithmonë të vetëdijshme për ujin si diçka për t’u frikësuar. Kryesisht fëmijët më të rritur kanë frikë nga uji, ja pse.

 Një fëmijë mund të ndërgjegjësohet papritur për pafundësinë dhe misterin e ujërave të thella.

Ai mund të kuptojë se uji është diçka e rrezikshme.

Një fëmijë nuk ka përvojën e jetës për të ditur se, megjithëse valët e mëdha mund të duken të frikshme.

Nëse fëmija ka pasur një përvojë negative me ujin, si spërkatja, futja e ujit në hundë ose gojë, ose rrëshqitja në vaskë, mund të rrisë frikën nga uji.

Në çfarë mënyre mund ta ndihmoni fëmijën të përballet me këtë frikë?

Mos detyroni asgjë, por gradualisht zgjidhni problemin. Lëreni fëmijën gradualisht të mësohet me ujin sepse kjo qasje mund t’ju ndihmojë. Lëreni të hyjë në det deri në kavilje në ditët e para, pastaj për një ose dy ditë le të hyjë deri në gjunjë, pastaj deri në bel e kështu me radhë. Mos e detyroni të hyjë menjëherë. Disa fëmijë kanë nevojë për më shumë kohë për t’u mësuar me tejkalimin e frikës.

Përveç kësaj, ju mund të merrni disa pajisje shoqëruese argëtuese, të tilla si disa syze shumëngjyrëshe, ose një xhaketë në formë interesante, një jelek shpëtimi me ilustrim të personazhit të preferuar të filmit vizatimor të fëmijës. Të gjitha këto objekte mund ta ndihmojnë atë të kapërcejë më shpejt frikën që ka, të ndihet i sigurt.

Flisni me fëmijën tuaj për notin sepse edhe të flisni se sa i shëndetshëm dhe i bukur është noti, mund ta ndihmojë të heqë qafe frikën e hyrjes në det. Ndoshta nuk do të ishte keq, nëse tashmë e keni vënë re problemin që po hasni, ta regjistroni në mësimet e notit, sigurisht jo me forcë, por vetëm me konfirmimin e fëmijës që dëshiron të shkojë.