Katër të vdekur në rajonin e Prishtinës, Policia nis hetimet

Katër meshkuj janë raportuar të vdekur gjatë ditës së enjte në rajonin e Prishtinës.

Policia nuk ka treguar arsyet e këtyre vdekjeve, veçse ka njoftuar se në rajonin e Prishtinës janë raportuar katër raste, të cilat janë trajtuar nga njësitë përkatëse policore.

“Lidhur me rastet, vdekjet e katër viktimave meshkuj kosovarë i kanë konfirmuar mjekët kompetentë. Me urdhër të prokurorit kujdestar, trupat e pajetë janë dërguar në IML për obduksion”, thuhet në raport. /Zëri