Osmani sot takon kryetarët e komunave, ja çka do të diskutohet

Presidentja e Kosovës Vjosa Osmani sot do të presë në takim Këshillin e Kryetarëve të Komunave, që funksionon në kuadër të Asociacionit të Komunave të Kosovës.

Ky takim pritet të nisë në orën 13:00.

Kryetari i AKK-së Agim Aliu do ta mbajë një fjalë rasti për sfidat dhe preokupimet e komunave.

Aty pritet të diskutohen një varg temash si: roli i komunave në parandalimin e dhunës me bazë gjinore, roli i pushtetit lokal në zhvillimin e turizmit në Kosovë, bashkëpunimi mes presidencës dhe komunave në realizimin e projekteve dhe sfidat e komunave në qeverisjen lokale. /Zëri