Sllovenia e njohu Palestinën si shtet të pavarur dhe sovran

Sllovenia, si vendi i 147-të në botë, e njohu zyrtarisht Palestinën si shtet të pavarur dhe sovran. Ata kanë varur flamurin palestinez para parlamentit.

Pas seancave dëgjimore në Asamblenë Kombëtare, Sllovenia njohu zyrtarisht Palestinën. Njohja u mbështet nga 52 deputetë.

Kryeministri i Sllovenisë, Robert Golob, përmes rrjeteve sociale njoftoi se “njohja e sotme e Palestinës si shtet sovran dhe i pavarur i dërgon shpresë popullit palestinez në Bregun Perëndimor dhe në Gaza”.

Kështu, sllovenët kanë ndjekur hapat e Spanjës, Irlandës dhe Norvegjisë, të cilat së fundmi bënë të njëjtën gjë.

Predsednik vlade ë dr. Robert Golob: Z današnjim priznanjem Palestine ë kot suverene in neodvisne drëave pošiljamo upanje palestinskemu narodu na Zahodnem bregu in v Gazi.

— Vlada Republike Slovenije (@vladaRS) June 4, 2024

Sllovenia u bë kështu anëtari i 147-të i Kombeve të Bashkuara që njohu Palestinën.

Grupi më i madh parlamentar opozitar slloven, SDS kishte dorëzuar sot një propozim të ri për shpalljen e referendumit konsultativ për njohjen e pavarësisë dhe sovranitetit të Palestinës.

Siç ka shpjeguar në takim kryetari i SDS-së, Janez Jansha, propozimi i parë është tërhequr për arsye teknike. /Telegrafi/