Goditen tre këmbësorë nga një veturë në Prishtinë, arrestohet një person

Në një parking një veturë, të cilën e drejtonte një person, ka goditur tre këmbësorë, që ishin afër një autobusi të parkuar.

Në raportin 24-orësh të Policisë së Kosovës bëhet e ditur se ngjarja ka ndodhur të dielën, rreth orës 20:00, në rrugën “Pejë” në Prishtinë.

Tutje bëhet e ditur se si pasojë e aksidentit lëndime trupore kanë pësuar tre persona.

“Raportohet se në një parking, një veturë me targa vendore, të cilën e drejtonte i dyshuari mashkull kosovar, ka goditur tre këmbësorë, që ishin afër një autobusi të parkuar. Si pasojë e aksidentit lëndime trupore kanë pësuar tre persona, meshkuj”, thuhet në raport.

Ndërkaq, me vendim të prokurorit, i dyshuari dërgohet në mbajtje. /Zëri