Liverpooli ndryshon planet e transferimit për Koopmeinersin
Skautët e Liverpoolit mësohet se janë impresionuar nga mesfushori i Atalantas, Ederson.
Reds kanë mbetur prej kohësh admirues të Koopmeiners dhe së fundmi kishin dërguar skautët për të monitoruar performancën e mesfushorit në një nga ndeshjet e Atalantas, sipas “Tuttosport”.
Reds tani mund të kenë ndryshuar planet e tyre të transferimit. Shoku i skuadrës së holandezit, Ederson thuhet se tërhoqi vëmendjen e përfaqësuesve të klubit.
24-vjeçari brazilian pati një paraqitje mbresëlënëse me skuadrën e Serisë A, pasi shënoi shtatë gola dhe dha një asist në 37 ndeshje në të gjitha garat. Ai luajti një rol të rëndësishëm në Atalanta duke përfunduar në vendin e katërt në ligë dhe duke fituar Ligën e Evropës, ku ata mundën Bayer Leverkusen të Xabi Alonso në finale. /Zëri