Laura Fazliu mposhtet në çerekfinale të Botërorit, të bronztën e kërkon me anë të repesazhit
Xhudistja jonë, Laura Fazliu, do ta kërkojë medaljen e brozntë me anë të repesazhit në Kampionatin Botëror të Xhudos, që po mbahet në Abu Dabi të Emirateve të Bashkuara Arabe.
Laura e ka nisur botërorin pa ndeshje në raundin e parë, ndërsa në dy luftërat pasuese ka shënuar fitore në kategorinë deri në 63 kilogramë.
Në luftën e parë, xhudistja jonë ka dominuar kroaten Katarina Kristo, duke e mposhtur me waza-ari.
Në luftën e dytë, Laura vazhdoi me fitore, ku kësaj radhe mposhti me ippon rivalen ruse, Dalu Liliashvili, duke kaluar në çerekfinale.
Megjithatë, në çerekfinale, xhudistja jonë ishte e pafat duke humbur nga Andreja Leski e Sllovenisë.
Tani, Laura do ta kërkojë medaljen e bronztë me anë të repesazhit, ku do të ndeshet me australianen Katharina Haecker. /Telegrafi