Korenica: S’ka gatishmëri për shpërndarje të Kuvendit

Deputeti i Lëvizjes Vetëvendosje (LVV), Visar Korenica, është shprehur edhe në mënyrë hipotetike për rrëzimin e Qeverisë dhe shkuarjes në zgjedhje të parakohshme. Ai nuk e pohon e as nuk e mohon gatishmërinë e tij për të votuar në Kuvend për zgjedhje të reja.

“Nëse të gjitha subjektet politike marrin pjesë dhe janë dakord për shpërndarje të Kuvendit nuk ka kurrfarë problemi. Po”, deklaroi Korenica.

Korenica ritheksoi se nuk do të ketë situatë kur do të votohet në Kuvend për rrëzim të Qeverisë aktuale, pasi vetëm me gatishmërinë e dy partive politike nuk ka “kuptim” shkuarja në zgjedhje.

“Në rast brenda Grupit të Parlamentar merret një vendim që të votohet shpërndarja e Kuvendit. Nuk do të vijë në një situatë të tillë. Nuk ka kuptim shkuarja në zgjedhje, vetëm me gatishmërinë e dy partive politike dhe pjesa tjetër e pakicave”, deklaroi Korenica në RTV Dukagjini.