Pamjet që tregojnë transportimin e kufomave, pas rrëzimit të helikopterit iranian
Agjencia iraniane IRNA ka publikuar pamjet amatore të Gjysmëhënës së Kuqe të Iranit, ku shihen ekipet e shpëtimit duke transportuar kufomat.
Në video shihen punonjësit duke bartur kufomat e zyrtarëve të lartë iranianë, përfshirë atë të presidentit Ebrahim Raisi.
Videoja amatore tregon sesi ekipet e shpëtimit kishin vështirësi të transportojnë kufomat, për shkak të terrenit malor dhe kushteve klimatike, transmeton Telegrafi.
Ndryshe helikopteri në të cilin po udhëtonte presidenti iranian, u rrëzua dje derisa ishte nisur për në Azerbajxhan për të inauguruar një digë të re.
E në mesin e viktimave është edhe ministri i Jashtëm iranian Hossein Amir Abdollahian, si dhe gjashtë zyrtarë të tjerë.
The footage shows the transfer of the bodies of the martyrs by the Iranian Red Crescent Society (IRCS) and army rangers pic.twitter.com/oJtEiEc0U6
— IRNA News Agency (@IrnaEnglish) May 20, 2024