Arrestohet një serb, dyshohet për pjesëmarrje në protestat e dhunshme të majit në Zveçan

Policia e Kosovës ka njoftuar se ka arrestuar një person në pikëkalimin kufitar Jarinje.

Sipas njoftimit të Policisë bëhet e ditur se arrestimi është bërë lidhur me protestat që janë zhvilluar në maj të 2023 në Zveçan, raporton Zeri.info.

Ai akuzohet për “bashkim për veprimtari kundër kushtetuese, me qëllim të sulmit kundër rendit kushtetues të Republikës së Kosovës, rrezikim i personave nën mbrojtje ndërkombëtare, sulm ndaj personit zyrtar dhe pjesëmarrje në turmë që krye vepra penale dhe huliganizëm”.

“Zveçan 29.05.2023 – NN.  Lidhur me veprat e cekura penale, më 10.05.2024,  në Pikën e Kalimit Kufitar Jarinje, është arrestuar i dyshuari mashkull kosovar dhe me vendim të prokurorit të Prokurorisë Speciale është dërguar në mbajtje”, thuhet në njoftimin e Policisë.