LDK-ja homazhe në Prekaz: Familja Jashari, simbol i rezistencës dhe i lavdisë heroike për liri

Lidhja Demokratike e Kosovës (LDK) ka bërë homazhe në kompleksin memorial “Adem Jashari” në Prekaz me rastin e 26-vjetorit të Epopesë së Ushtrisë Çlirimtare të Kosovës.

Në njoftimin e LDK-së thuhet se nga Prekazi u përkujtua sakrifica e familjes Jashari.

“Kryesia e Lidhjes Demokratike të Kosovës ka bërë homazhe në kompleksin memorial ‘Adem Jashari’, në 26-vjetorin e ‘Epopesë së Ushtrisë Çlirimtare’”.

“Nga aty përkujtuan sakrificën dhe luftën e lavdishme të familjes Jashari, e cila është simbol i rezistencës dhe i lavdisë heroike për liri”, thuhet në njoftimin e tyre.