Sela: Shqiptarët e Maqedonisë janë bërë kavje eksperimentale nga Kurti e Rama

Kryetari i Kuvendit Qendror të Aleancës për Shqiptarët, Ziadin Sela, ka thënë se shqiptarët e Maqedonisë së Veriut janë bërë “gjah” për kryeministrat e Kosovës dhe Shqipërisë në luftën e këtyre të fundit për dominim te shqiptarët.

“Shqiptarët në Maqedoni janë bërë kavje eksperimentale për nevojat e kryeministrit të Kosovës dhe atij të Shqipërisë për të treguar se cili prej tyre është më i madh, që për mua të dytë janë të mëdhenj”.

Sipas Selës këto zhvillime po dëmtojnë shqiptarët e Maqedonisë.

“Kjo më shumë bëhet për nevoja të politikës ditore sidomos në Kosovë. Kjo lloj qasje ndaj problemit dhe takimet që ka bërë zoti Kurti me eksponentët politikë në Maqedoni…, dhe unë nuk dua ta besoj se duhet bërë politikë ditore me fatin e shqiptarëve të Maqedonisë”.

Sela thotë se është takuar me Kurtin dhe ai i ka thënë se LVV-ja nuk merr pjesë në Maqedoni të Veriut.