Osmani: Kryeministri i parë shqiptar po merr vlerësim maksimal nga qytetarët dhe miqtë ndërkombëtarë

Ministri i Punëve të Jashtme i Maqedonisë së Veriut, Bujar Osmani, tha se kryeministrin e parë shqiptar Talat Xhaferin po e vlerësojnë qytetarët dhe ndërkombëtarët si një veprim i duhur dhe i merituar, ndaj propagandat për injorim nuk mund të kenë sukses në publik.

Osmani tha se për shumë vite shqiptarët në Maqedoninë e Veriut kanë qenë të neglizhuar, teksa tanimë po arrijnë të kenë postet më të rëndësishme shtetërore.

“Pavarësisht tentimit për injorim, dy kategori janë atë që japin mirënjohje, janë qytetarët që e presin me respekt dhe e dyta është komuniteti ndërkombëtar. Sot bashkë më kryeministrin e parë nisemi për në Bruksel dhe kjo është një nder pritjet më të mëdha që ka pasur ndonjë kryeministër. Ne kemi qenë një popull i përjashtuar nga institucionet e vendit, por tash kemi kryeministrin e parë shqiptar”, deklaroi Osmani.