Zyrtare: Ernest Muçi, lojtar i ri i Beshiktashit

Klubi i madh turk, Beshiktashi ka konfirmuar zyrtarisht transferimin e sulmuesit shqiptar, Ernest Muçi nga Legia Varshava.

Sulmuesi shqiptar ka bërë hapin e madh në karrierë pasi nga kampionati polak do të transferohet në njërin prej tri klubeve më të mëdha turke.

Bëhet fjalë për Beshiktashin, i cili ka konfirmuar transferimin e Muçit me anë të faqes zyrtare në rrjetet sociale.

“Mirë se vjen në Beshiktash, Ernest Muçi!”, ka shkruar shkurtimisht faqja e klubit të madh turk.

Detaje tjera të transferimit nuk janë bërë publike, por 22-vjeçari shqiptar pritet të nënshkruaj për tri vjet e gjysmë dhe do t’i kushtojë 10 milionë euro.

Te Beshiktashi, Muçi do ta gjej yllin shqiptar të Përfaqësueses së Kosovës, Milot Rashica.

Lexo edhe:

UEFA njofton se është bërë një gabim i madh nga gjyqtarët gjatë Euro 2024

Reagimi i babait të Edon Zhegrovës: Vendim i ngutshëm përjashtimi, s’ishte në diskotekë atë natë

Reagon babai i Zhegrovës: Vendim i ngutshëm përjashtimi i Edonit, s’ka qenë atë natë në diskotekë