Mot i vranët dhe me diell, temperaturat deri në 17 gradë

Gjatë ditës së sotme në Kosovë parashikohet të mbajë mot me diell dhe vranësira, të cilat më të shtuara pritet të jenë në pjesën e parë të ditës.

Temperaturat minimale do të lëvizin prej 1 deri në 6 gradë Celsius, ndërsa ato maksimale prej 14 deri në 17 gradë, njofton MeteoKosova.

Era do të fryjë drejtimesh të ndryshme, por më dominues nga drejtimi i jugperëndimit, e cila kohë pas kohe pritet të jetë mjaft e fuqishme lokalisht, me shpejtësi prej 17-63 km/h.